خبرونه

د افغانستان کانونو په سکتور کې د ښځو د رول ډېرېدو هڅې روانې دي

Category: 

کابل (پژواک، ۱۳ چنګاښ ۹۸): د کانونو او پټرولیم وزارت د هېواد د کانونو د استخراج سکتور د پرمختګ په برخه کې د ښځو پر واقعي حضور د ټینګار تر څنګ وايي، په دغه سکتور کې د ښځو موجودیت روڼوالی او حساب ورکونه ډېروي.

"تخار کې زرګونه عام وګړي د سرو زرو په چاڼ بوخت دي"

تالقان (پژواک ٢١ ليندۍ ٩٣): د تخار د مرکز تالقانو ښار په ختيځه برخه خطايان سيمه کې شاوخوا درې زره تنه د سيند د غاړو له شګو سره زر راباسي او ګټه وټه ترې ترلاسه کوي.

دا کاريګر وايي چې په ژمي کې يې کاروبار له دې له امله  ښه کېږي، چې په سيند کې اوبه لږ وي.

د شاوخوا سيمې اوسېدونکوپه وينا، چې له کلونو راهيسې د سيمې خلک خپل لګښت له زر شويي څخه ترلاسه کوي.

د دغوکسانو په ډله کې يو هم ۵۰ کلن عبدالکريم دى، چې په وينايې له دېرشو کلونو راهيسې په همدغه سيمه کې د شګو په مينځلو بوخت دى.

''د مسک عينک کان د استخراج چارې دې پيل شي''

پل علم (پژواک ١٧ ليندۍ ٩٣): چارواکي وايي چې د لوګر د مس عينک کان د امنيت لپاره يې د پوليسو٨٦ پوستې ځاى پر ځاى کړي او قراردادي کمپنۍ بايد په کې خپلې چارې پيل کړي.

د مس عينک کان قرارداد له ''ام سي سي'' چينايي کمپنۍ سره شوى، چې د چارواکو په وينا، له څه مودې راهيسې يې کارونه درولي دي.

دا څرګندونې د لوګر سرپرست والي نياز محمد اميري او د ياد کان د امنيت ساتنې د ځانګړو ځواکونو قوماندان تېره ورځ ناوخته  له دغه کان څخه د لېدنې پر مهال وکړې.

په دې لېدنه کې پر حکومتي  چارواکو سربېره يو شمېر وکيلانو هم برخه لرله.

د پژواک اژانس له لوري د کانونو په اړه لومړنى کنفرانس تر سره شو

کابل (پژواک ٢٥ لړم ٩٣): د افغانستان کانونو په اړه څېړنيز کنفرانس نن د پژواک خبري اژانس له لوري، چې په کې د افغانستان په کانونو کې شپږ اساسي ستونزې په ګوته شوې، تر سره شو.

پژواک خبري اژانس چې دغه څېړنې د يوه کال په ترڅ کې تر سره کړې، نن په هېواد کې د کانونو په غيرقانوني ډول د راسپړلو او قاچاق په اړه خپلې اندېښنې په يوه علمي-څېړنيزې غونډه کې څرګندې کړې.

د مس عينک اوسېدونکي: له موږ سره شوې ژمنې نه دي عملي شوې

کابل (پژواک ١٤ لړم ٩٣): د لوګر د مس عينک سيمې اوسېدونکي وايي، چې  د مس عينک کان له قرارداد څخه څو کاله تېريږي، خو دولت او هغه چينايي شرکت  چې د دغه کان د استخراج قرارداد ورسره لاسليک شوى، له دوى سره يې خپلې کړې ژمنې نه دي عملي کړي.

د سيمې د اوسېدونکو په وينا، له تېرو شپږو کلونو راهيسې د دغه کان د را ايستنې په موخه چينايي کمپنۍ په دغه سيمه کې کار کوي، خو په دغه موده کې نه يواځې دا چې دوى ته يې ګټه نه ده رسېدلې، بلکې د دغه فعاليت له اړخه ورته زيانونه هم اوښتي دي.

د کانونو کارګر د "تورې طلا" په لټه ځان خطر ته ورکوِي

کابل (پژواک ١٥ تله ٩٣): د مرګوني کاري شرايطو او د حکومت د څارنې پر نه شتون سربېره بېوزلي کارګران د پيسو ګټلو لپاره ډله-ډله د افغانستان د سکرو کانونو ته مخه کوي.

"کاسا تړون به د سيمې پر امنيت هم مثبت اغېز ولري"

کابل (پژواک ٢٠ تله ٩٣): شنونکي وايي، د پاکستان او افغانستان ترمنځ له مرکزي اسيا سوېلي اسيا ته د برېښنا د لېږد پروژې (کاسا ١٠٠٠) تړون پلي کېدل به د اقتصادي ګټو تر څنګ پر امنيتي وضعيت هم مثبت اغېز وکړي.

دغه تړون تېره ورځ په واشنګټن کې د نړيوال بانک او نړيوال وجهي صندوق (اى اېم اېف) د کلنۍ غونډې پر مهال په اقتصادي چارو کې د افغانستان د ولسمشر سلاکار ډاکټر عمر زاخېلوال او د پاکستان د ماليې وزير اسحاق ډار له خوا لاسليک شو.

پاکستان ته دې د ګاز د قاچاق مخينوى وشي

کندهار (پژواک ٣ تله ٩٣): د کندهار ولايت ګاز پلورونکي او عام وګړي وايي چې په دې وروستيو کې پاکستان ته د مايع ګاز د قاچاق له امله په دغه ولايت کې د ګاز بيه ډېره لوړه شوې ده.

هغوى وايي، خلک په لوړه بيه د ګاز د پېرلو توان نه لري، په کار ده چې حکومت پاکستان ته د ګاز د ناقانونه لېږد مخنيوى وکړي.

د کندهار ښار د هرات بازار د مايع ګاز د شرکت مسوول محمد رحيم وايي، يوه مياشت وړاندې په کندهار کې د يوه کيلوګرام ګاز بيه له ٤٥ تر ٥٠ افغانيو وه، خو اوس يو کيلوګرام ګاز له ٧٠ تر ٧٥ افغانيو پلورل کېږي.

” ټاکنيزو ناندريو د نفتي توکيو سوداګريزې چارې ټکنۍ کړې دي“

مزارشريف (پژواک ۷ وږى ۹۳): د هېواد د شمال زون د نفتي توکيو سوداګر وايي، چې د ټاکنو اړوند سياسي ناندريو او د دولت ناسم چلند، په هېواد کې د نفتي توکيو سوداګريزې چارې ټکنۍ کړې دي.

د بلخ ولايت د سوداګرۍ خونې چارواکو، چې په دې وروستيو کې د شمال زون د نفتي او غير نفتي توکيو له ۲۸ سوداګرو سره ترکمنستان هېواد ته  په رسمي سفر تللي وو، وايي، چې دولت بايد د نفتي توکيو د سوداګريزو چارو سمون ته جدي پاملرنه وکړي.

د هېواد د لعلونو کانونه په خپلسري ډول ايستل کېږي

کابل (پژواک ١٣ زمرى ٩٣): په افغانستان کې د لعلو ډېر کانونه موجود دي، خو تر دې مهاله يې د کوم کان قرارداد له شرکتونو سره نه دى شوى او دغه کانونه په کابل او بدخشان ولايتونو کې د خلکو له لوري په خپلسري ډول ايستل کېږي.

د بدخشان د کانونو رياست د معلوماتو له مخې، د کانونو کارپوهان او انټرنېټي سرچينې، د بدخشان ولايت په اشکاشم، خاش، کشکان او شغنان ولسواليو او د کابل ولايت د سروبي ولسوالۍ په اړوند د جګدلک وارمنکاى، لعل پور، مى خلوت، لوى کان، نوى کان، چونګي، تغارچه، کارنوپارا، جوني کلا، چاک، پهره دار خانه او سپاى کليو کې د لعلو کانونه موجود دي.

Pages

Give us a call on +93 20 220 1814