Journalist

” ټاکنيزو ناندريو د نفتي توکيو سوداګريزې چارې ټکنۍ کړې دي“

مزارشريف (پژواک ۷ وږى ۹۳): د هېواد د شمال زون د نفتي توکيو سوداګر وايي، چې د ټاکنو اړوند سياسي ناندريو او د دولت ناسم چلند، په هېواد کې د نفتي توکيو سوداګريزې چارې ټکنۍ کړې دي.

د بلخ ولايت د سوداګرۍ خونې چارواکو، چې په دې وروستيو کې د شمال زون د نفتي او غير نفتي توکيو له ۲۸ سوداګرو سره ترکمنستان هېواد ته  په رسمي سفر تللي وو، وايي، چې دولت بايد د نفتي توکيو د سوداګريزو چارو سمون ته جدي پاملرنه وکړي.

د سمنګان د ډبرو سکرو په کانونو کې خپلسرې کيندنې کېږي

مزارشريف )پژواک ١٠ سلواغه ۹۲(: د سمنګان ولايت دولتي چارواکي وايي، چې د دغه ولايت د ډبرو سکرو په کانونو کې د سيمې د اوسېدونکو له خوا پر خپل سر کيندنې روانې دي.

د دغه ولايت د دره صوف پايين ولسوال همايون پژواک خبري اژانس ته وويل، چې د دې ولسوالۍ اړوند ګوله نومې سيمه کې د ډبرو سکرو په کان کې د سيمې اوسېدونکي پر خپل سر کيندنې کوي.

همايون وويل: ((زه دا نه ردوم چې عام خلک له دغه کان څخه ګټه نه پورته کوي، په کورونو کې د کارونې په موخه د کان د شاوخوا سيمو د کليو خلک له کان څخه ګټه پورته کوي؛ خو د پلورلو مخه يې نيول شوې ده.))

د بلخ ولايت کانونه

بلخ (پژواک،٢٨ليندۍ٩٢): په بلخ ولايت کې د ترسره شويو سروې ګانو له مخې، په دې ولايت کې د نفتو سترې زيرمې، د سيمنټو خام مواد، د ښيښو ترکيبي مواد(کرود)، ګچ او سلفرو کانونه شته دي، چې په ځينو کانونو کې د استخراج چارې روانې دی او يو شمېر نور همداسې پاتې دي.

١ – د افغان تاجک نفتي حوزه:

د افغان تاجک د نفت او ګازو حوزه، چې په شمال او شمال ختيځ زونونو کې له تخار څخه تر جوزجان ولايت پورې ۳۱ زره متره اوږدوالی لري، پرته ده. دوه کاله وړاندې د کاناډا د نفت او ګازو د ټراسايز کمپنۍ له خوا يې سروې بشپړ  شوه، چې دنفتو او ګازو ١٢بلاکونه مشخص او تثبت کړل.

حيرتان بندر کې د نفتو د تصفيې خونې بيا فعاليت پيل کړ

مزارشريف (پژواک ٢ مرغومى ٩٢): د بلخ ولايت په بندري ښارګوټي حيرتان کې د غضنفر ګروپ د نفتي توکو تصفيې خونې له څلور مياشتې ځنډ وروسته بيا پر کار پيل وکړ.

دغه تصفيه خونه پرون د يو شمېر دولتي چارواکو له خوا پرانيستل شوه، چې په په يو کال کې د ۵۰۰ زره ټنه نفتي توکو د تصفيې وړتيا لري.

د يادې تصفيې خونې مسوول محمدابرهيم غضنفر پژواک خبري اژانس ته وويل، چې د ځينو تخنيکي ستونزو له امله د غضنفر ګروپ د نفتي توکو د تصفيې خونې فعاليت له څلورو مياشتو بند شوى و.

د "افغان تاجک" د نفت او ګازو حوزې د دوو بلاکونو د استخراج تړون لاسليک شو

مزارشريف ( پژواک ،١٦ تله ٩٢) : له درېيو کمپنيو سره د "افغان تاجک" د نفت او ګازو حوزې د دوو بلاکونو د استخراج تړون لاسليک شو، چې له مخې به دغه کمپنۍ يې ١٢ ميليارد ډالره  پانګونه وکړي.

د افغانستان د کانونو وزرات د پتروليم مشر جليل احمد نن  د بلخ په مرکز مزارشريف کې د تړون د لاسليک په ناسته کې وويل، چې  د افغان تاجک د نفت او ګازو حوزه، د هېواد په  شمال او شمال ختيځ کې له تخار څخه تر جوزجان ولايت پورې پرته ده.

د سمنګان پېښه د انجنيرانو د بې غورۍ له امله رامنځته شوې

مزارشريف (پژواک، ٢٥ وږى ٩٢): د سمنګان چارواکي وايي، چې د دغه ولايت د روی دواب ولسوالۍ د ډبرو سکرو په کان کې د انجنيرانو د بې غورۍ له امله پېښه رامنځته شوې وه.

د روی دواب ولسوالۍ د ډبرو سکرو په کان کې د وږي په ۲۳مه د شوې چاودنې له امله د کان ۴۷ کارکوونکي بند پاتې شوي وو، چې تر دې دمه يې د ۲۳ جسدونه ترلاسه شوي، ۲۲ ټپيان او پاتې نور لا هم لادرکه دي.

د سمنګان امنيه قوماندان جنرال محمداسلم بېکزاد د وږي په ٢٥مه پژواک خبري اژانس ته وويل، چې تېره ورځ د يادې پېښې د څېړنې په موخه د والي په ګډون د ولايت يوه لوړ پوړي پلاوي سيمې ته سفر وکړ.

د سمنګان د سکرو يوه کان کې ٢٧ تنه مړه شوي دي

Category: 

مزارشريف-ايبک (پژواک ٢٤ وږى ٩٢): د سمنګان ولايت په روى دو اب ولسوالۍ کې د ډبرو سکرو په يوه کان کې د چاودنې له امله ٢٧ تنه مړه شوي او پنځه نور نادرکه دي.

د سمنګان د امنيه قوماندانۍ د امنيت امر سمونوال مصدق الله مظفري د وږي په ٢٤مه پژواک خبري اژانس ته وويل، چې پرون په کان کې تر چاودنې وروسته ٣٠ تنه بند پاتې وو.

هغه زياته کړه، چې په دې پېښه کې کان کيندونکو ته مرګ ژوبله اوښتې ده، خو کره شمېره يې ونه وښوده.

مظفري وايي، چې له ياد کان څخه په غير مسلکي توګه کيندنې کېدې.

حيرتان بندر کې د نفتي توکو او اوبلن ګاز عوايد ٥٠ سلنه کم شوي

مزارشريف (پژواک، ١١ ورى ٩٢): د بلخ ولايت د نفتي توکو او اوبلن ګازو رياست مسوولين وايي، چې د تېر کال په پرتله يې عوايد ۵۰ سلنه کم شوي دي.

د بلخ په حيرتان بندر کې د نفتي توکو او اوبلن ګاز د رياست مسوول محمد صابر ظهير د وري په ۱۱مه پژواک خبري اژانس ته وويل، چې د ماليې د زياتوالي او د سوداګرو تر منځ د ناسمې سيالۍ له امله په ۱۳۹۱ کال کې د دغه رياست عوايد ۵۰سلنه کم شوي دي.

نوموړي زياته کړه، چې په ۱۳۹۰ لمريز  کال کې د ياد رياست عوايد ۸ ميليونه امريکايي ډالرو ته رسېدل، خو په ۱۳۹۱کال کې د دوی عوايد څه کم ۴ميليونه امريکايي ډالر ته راښکته شوي دي.

د دره صوف د ډبرو سکرو دکان يو کارکونکى مړ او بل ټپي شو

مزارشريف ( پژواک ١٦ لړم ٩٢ ) : د سمنګان ولايت د ډبرو سکرو په کان کې دوو کاريګرو ته مرګ ژوبله اوښتې ده.

د دغه ولايت والي خيرالله انوش د لړم په ۱۶مه، پژوک خبري اژانس ته وويل، چې دغه پېښه تېره ورځ ناوخته د "دره صوف بالا " په يوه شخصي کان کې رامنځته شوې ده.

نوموړي زياته کړه، چې په دغې ولسوالۍ کې ځينې خلک  له دولت څخه د ډبرو سکرو له کان نه د موادو د استخراج  اجازه لري، چې د همداسې يوه کان يو کار کوونکى مړ شوی او يو ټپی دی.

د هغه په وينا، د پېښې د څېړنې په موخه يې سيمې ته پلاوى استولی او په اړه يې څېړنې پيل کړې دي .

"د ډبرو سکرو کان کيندونکي دې پر وسايلو تجهيز شي"

Category: 

مزارشريف (پژواک ٢٦ وږى ٩٢): د سمنګان چارواکي وايي، چې د روی دواب ولسوالۍ د ډبرو سکرو د کان د استخراج دوباره پيل بايد د کاريګرو له تجهيزېدو وروسته پيل شي.

دوی وايي، چې د کان د استخراج کارګرانو د کار لومړني وسايل نه لري  او په شوې پېښه کې د مرګ ژوبلې د اوښتو يو لامل هم د کار د لومړنيو وسايلو نشتوالی بولي.

د وږي په ۲۳مه د روی دواب ولسوالۍ د ډبرو سکرو په کان کې د شوې چاودنې له امله د کان ۴۷ کار کوونکي بند پاتې شوي وو، چې تر دې دمه يې د ۲۳ تنو جسدونه تر لاسه شوي، ۲۲ تنه ټپيان شوي او پاتې لا هم لادرکه دي.

Pages

Give us a call on +93 20 220 1814