Journalist

د افغانستان کانونو په سکتور کې د ښځو د رول ډېرېدو هڅې روانې دي

Category: 

کابل (پژواک، ۱۳ چنګاښ ۹۸): د کانونو او پټرولیم وزارت د هېواد د کانونو د استخراج سکتور د پرمختګ په برخه کې د ښځو پر واقعي حضور د ټینګار تر څنګ وايي، په دغه سکتور کې د ښځو موجودیت روڼوالی او حساب ورکونه ډېروي.

مزارشريف کې د ګازي برېښنا تر ټولو ستره توليدي کارخونه جوړيږي

کابل (پژواک ٢٣ غويى ٩٤): يوه افغان خصوصي شرکت اعلان کړى چې له نړيوال بانک سره د ٧٥ مليون ډالرو په ګډې پانګونې، په مزار شريف کې د ګازي برېښنا د توليد تر ټولو ستره کارخانه جوړوي.

د يادې کارخانې د جوړولو هوکړه ليک، نن د کانونو او پټروليم، انرژۍ او اوبو، ماليې وزارتونو او د نړيوال بانک، غضنفر شرکت او برېښنا شرکت د چارواکو تر منځ لاسليک شو.

د غضنفر شرکت مشر محمداسماعيل غضنفر د ياد هوکړه ليک د لاسليک پر مهال وويل چې د يادې پروژې لومړني کارونه به تر راتلونکو دريو مياشتو پورې بشپړ او قرارداد به يې لاسليک شي.

د غور ولايت د کانونو پیژندنه

 غور ولايت د افغانستان له مرکزي ولايتونو څخه يو دى چې هرات، دايکنډي، فارياب، فراه او جوزجان ولايتونو ترمنځ موقعيت لري.

غور ولايت د هېواد له غرنيو او کان لرونکو ولايتونو څخه دى. که څه هم په دې ولايت کې کومه کره سروې نه ده شوې چې له مخې يې د کانونو په اړه شمېرې وړاندې شي، خو د ځايي خلکو او د غور ولايت د کانونو امريت د معلوماتو له مخې په دې ولايت کې د ګران بيه او نيمه ګران بيه ډبرو، فلزاتو او غير فلزاتو کاني نښې شته دي.

د پکتيکا ولايت د کانونوپیژندنه

پکتيکا د هېواد سوېل ختيځ ته پروت ولايت دی، د دغه ولايت شمال ته پکتيا او غزني ولايتونه او شمال لوېديځ ته هم غزني موقيعت لري، شمال ختيځ ته خوست، ختيځ، سوېل او سوېل لوېديځ ته له شمالي او سوېلي وزيرستان سره اوږده پوله لري، د لوېديځ په يوه څنډه کې يې زابل او د پاکستان د بلوچستان ايالت موقعيت لري.

١- د کټواز د نفت او ګازو حوزه:

د کټواز د نفتو او ګازو د حوزې سيمه له ښرنې سوېل لور ته د يحيى خېلو، زرغون ښار، جاني خېلو او خوشامند ولسواليو تر منځ مشترکه سيمه ګڼل کېږي، د دې حوزې مساحت ٤٠ زره کيلومتر مربع او د د رسوبي احجارو ضخامت يې ٦ زره مترو ته رسېږي.

بدخشان کې د يو ميليارد افغانيو په ارزښت لاجورد ضبط شوي

 فيض اباد (پژواک ١٨ سلواغه ٩٣): د بدخشان ولايت امنيتي چارواکو،د يو ميليارد افغانيو په ارزښت د لاجوردو له ډبرو څخه ډک ٦٥ بار وړونکي موټر ضبط کړي او وايي، چې د لاجوردو د کانونو د قضيې تر شا د زورواکو لاس دى.

 دوى وايي، چې سوداګرو د لاجوردو له ډبرو ډک موټر د کران و منجان ولسوالۍ له کان څخه د بدخشان مرکز فيض اباد ته لېږدول چې دغه قيمتي او کم پيدا ډبرې د ملي امنيت شورا د مصوبې له مخې ضبط شوې دي.

ولسمشر: امنيتي ځواکونه دې د مس عينک کان امنيت ټينګ کړي

کابل (پژواک ٢٣ سلواغه ٩٣): ولسمشر اشرف غني وايي، د دې لپاره چې د مس عينک کان چارې ژر پيل شي، امنيتي ځواکونه دې په خپلو کې په همغږۍ سره د دې کان امنيت خوندي کړي

نوموړي، دغه څرګندونې نن د لوګر ولايت د مس عينک کان له بېلابېلو برخو څخه د کتنې پرمهال کړې دي.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې محمد اشرف غني له دغه کان څخه د کتنې په ترڅ کې وويل، اوسمهال  د افغانستان او چين ترمنځ اړيکې نوي پړاو ته داخلې شوې او لازمه ده، چې د دغو اړيکو د لا پراختيا لپاره مهم قدمونه پورته شي.

“که حکومت پام ونه کړي د اوسپنې ويلې کولو فابريکې له فعاليته غورځي”

کابل (پژواک ٢١ سلواغه ٩٣): د افغانستان د صنايعو ټولنه ګواښ کوي، چې که  تر راتلونکې يوې مياشتې پورې د صنعتکارانو غوښتنو ته پام ونه شي او حکومت په خپلو ژمنو عمل ونه کړي نو د هېواد د اوسپنې د ويلې کولو د ټولو فابريکو کار په ټپه ودروي.

په کندهار کې څلور کانونه داوطلبۍ ته وړاندې شوي3

کندهار (پژواک، ٨ سلواغه ٩٣): د کندهار د کانونو رياست مسوولين وايي، له ناامنيو او ستونزو سربېره د دغه ولايت د سربو، جستو او تالک څلور کانونه داوطلبۍ ته وړاندې شوي، چې له مخې به يې د دغو کانونو د سروې او استخراج چارې پيل شي.

د کندهار د کانونو رييس انجنير خان اقا تره خېل په پژواک خبري اژانس سره په ځانګړې مرکه کې وويل چې د پخوانيو او اوسنيو څېړنو پر بنسټ په کندهار کې له ١٧ څخه په زياتو ساحو کې ٣٠ ډوله بېلابېل کانونه موجود دي.

"اينده درخشان" د مالګې فابريکه خپل توليدات په دولتي ملاتړ پورې تړلي بولي

د افغانستان توليد:

کابل (پژواک، ٢٣ مرغومى ٩٣): په کابل کې د ايودين لرونکې مالګې د توليد فابريکه په ٢٤ ساعتونو کې ٢٠٠ ټنه مالګه توليدوي، خو د فابريکې چارواکي وايي چې د دولت د ملاتړ په صورت کې کولى شي چې د ټول هېواد د مالګې اړتيا پوره کړې.

د "اينده درخشان" فابريکه په ١٣٩٢ لمريز کال کې په کابل کې په ٢٠٠زره امريکايي ډالر جوړه شوې ده. دغه فابريکه تر دې وړاندې يو شرکت و چې مالګه يې له بهره واردوله، خو له هغه وروسته يوه توليدي فابريکه شوه.

ناامنيو د کانونو غير قانوني کيندنو ته لار هواره کړې

جلال اباد (پژواک، ٢٤ مرغومى ٩٣): د ننګرهار د ځينو سيمو اوسېدونکي او چارواکي وايي چې په دغه ولايت کې د وروستيو نا امنيو د کانونو ناقانونه کيندنو ته لاره هواره کړې ده.

دوى وايي، که چېرې ناامني همداسې دوام وکړي نو لرې نه ده چې د ننګرهار ټول کانونه به په ناقانونه ډول وکيندل شي او په دغه ولايت کې به شته کاني زېرمې ختمې شي.

 د شېرزادو ولسوالۍ يوه قومي مشر حاجي امير محمد پژواک خبري اژانس ته وويل چې په دې ولسوالۍ کې د دولت وسله وال مخالفين پر ډېرو سيمو حاکم دي او ډېرى خلک پر خپل سر کانونه کيندي او له حکومته په هېڅ ډول اجازه نه اخلي.

Pages

Give us a call on +93 20 220 1814